Friday, October 27, 2017

ដើម្បីចិញ្ចឹមជីវិត តារា K-Pop ដ៏ស្រស់ស្អាតម្នាក់ ធ្លាក់ខ្លួនដើរចែកចាយទឹកភេសជ្ជៈ(មានវីដេអូ)


កូរ៉េខាងត្បូង៖ រឿងរ៉ាវជីវិតមួយទទួលការចាប់អារម្មណ៍ជាខ្លាំង ដែលតារា K-Pop ដ៏ស្រស់ស្អាតម្នាក់ ត្រូវគេរាយការណ៍ថា បានធ្លាក់ខ្លួនដើរចែកចាយភេសជ្ជៈនៅតាមផ្ទះ ក្រោយពេលក្រុមចម្រៀង SPICA របស់ផលិតកម្ម B2M Entertainment ត្រូវបានរំសាយ។
នេះបើយោងតាមការចុះផ្សាយពីវេបសាយ Koreaboo របស់កូរ៉េដ៏ល្បីមួយ។
កញ្ញា Yang Ji Won បានឲ្យដឹងថា នាងគ្មានអ្វីត្រូវពឹងផ្អែកបន្ត 


ក្រោយពីបានចែកផ្លូវរៀងៗខ្លួនជាមួយក្រុមចម្រៀង SPICA នាខែកុម្ភៈ ឆ្នាំ២០១៧កន្លងទៅ។
នាងបានបន្តថា ការចែកផ្លូវនេះហើយបានជម្រុញឲ្យនាង ត្រូវស្វែងរកការងារមួយកន្លែងទៀត ដើម្បីទ្រទ្រង់ជីវភាពរស់នៅប្រចាំថ្ងៃ ប៉ុន្តែអ្វីគ្រប់យ៉ាងមិនងាយស្រួលដូចការរំពឹងទុកនោះទេ។

ស្រីស្អាតសាច់សខ្ចីម្នាក់នេះ ចង់មិនចង់ 
ត្រូវដើរជាអ្នកចែកចាយភេសជ្ជៈនៅតាមផ្ទះដើម្បីរកចំណូល 
មុនពេលដែលកម្មវិធីទូរទស្សន៍ដ៏ល្បីមួយប្រចាំប្រទេសកូរ៉េ ប្រកាសទទួលពាក្យប្រឡង ដើម្បីមានឱកាសក្លាយជាតារាជាថ្មីម្តងទៀត។

ដោយមានការជម្រុញលើកទឹកចិត្តពីក្រុមគ្រួសារ នាងបានសាកល្បងចូលរួមប្រឡងក្នុងកម្មវិធីនេះ។
គួរឲ្យចាប់អារម្មណ៍ ហើយជារឿងត្រេកអរមួយដែរ ដែលកញ្ញា Ji Won បានប្រឡងជាប់ដូចបំណង ហើយទទួលបានឱកាសបង្ហាញខ្លួនសាជាថ្មីក្នុងពិភពតន្រ្តី K-Pop ៕





Wednesday, October 25, 2017

ព្រឺរោមទាំងព្រឹកម៉ង! ព្រលឹង សាន ស្រីឡៃ ទៅទាររករថយន្តរបស់នាងវិញ!

ភ្នំពេញ៖ បន្ទាប់ពីតារាចម្រៀងអ្នកនាង ពេជ្រ សោភា បានបង្ហោះនៅលើហ្វេសប៊ុកខ្លួនអំពាវនាវឱ្យលោកឧកញ៉ា ហុង ពីង ទទួលទិញយករថយន្តរបស់ សាន ស្រីឡៃ ដែលបានបង់រំលោះវិញ ព្រោះគ្រួសារស្រីឡៃគ្មានលទ្ធភាពបង់រំលោះបន្ត តែស្រាប់មានរឿងហេតុមួយ។

ថ្មីៗនេះ ប្អូនស្រីជីដូនមួយរបស់តារាកំប្លែងអ្នកនាង ស៊ុន ណារីម៉ូនីកា នៅជ្រោយចង្វារក៏បានយល់សប្តិឃើញព្រលឹង សាន ស្រីឡៃ មកពន្យល់សប្តិថា ព្រលឹងនាងបាន មកយំ រករថយន្តរបស់ខ្លួនវិញ ដោយបានសួរថា តើនរណាយករថយន្តខ្ញុំទៅណា?

ក្រោយកើតមានរឿងដូច្នេះតារាកំប្លែង ស៊ុន ណារីម៉ូនីកា បានប្រាប់ទាំងភ្ញាក់ផ្អើលថា ប្អូនជីដូនមួយខ្លួន និងសាន ស្រីឡៃ មិនដែលស្គាល់គ្នានោះទេ ប៉ុន្តែព្រលឹងស្រីឡៃបែរជាមកពន្យល់សប្តិ ទាររកឡានជាទីស្រលាញ់របស់ខ្លួនដូច្នេះទៅវិញ។

ហើយគ្រាន់តែស្តាប់ប្អូនជីដូនមួយ និយាយចប់ភ្លាម ស្រាប់តែអ្នកនាង ស៊ុន ណារី ម៉ូនីកា ដើរមករកបើកភ្លើងក៏ឃើញមុខសាន ស្រីឡៃ ស្ទើរតែនៅនឹងមុខដូចមក មែនទែន។

គួរឱ្យដឹងផងដែរថា ព្រលឹងអ្នកនាង សាន ស្រីឡៃ ដែលបានស្លាប់ទៅហើយចេះតែមកបង្ហាញខ្លួនក្នុងយល់សប្តិឱ្យលោក បញ្ញាសិទ្ធិ អ្នកនាង លី ម៉ារីណា និងម្តាយរបស់ខ្លួនបានឃើញ ហាក់ដូចជាមិនអស់ចិត្តសោះ។ 

ស្របជាមួយគ្នានេះតារាកំប្លែងអ្នកនាង ស៊ុន ណារីម៉ូនីកា ក៏មានបំណងចង់ឱ្យម្តាយ សាន ស្រីឡៃ ដុតឡាននោះឱ្យកូនស្រីផងដែរ ដើម្បីឱ្យព្រលឹង នាងទៅដោយបានស្ងប់សុខ៕ 


ពិតជាមិនធម្មតាមែន ! មង្គល​ការ​របស់ សុគន្ធ និសា ​ប្រារព្ធ​ឡើង​​នៅ​ក្នុង​សណ្ឋា​គារ​ល្បីហើយ​ មិនតែបុណ្ណោះ មុខ​ម្ហូប​ក្នុង​មួយ​តុ តម្លៃ​ជិត​...



(ភ្នំពេញ)៖ ពិតជាមិនធម្មតាមែន សម្រាប់ពិធីមង្គលការរបស់ កំពូលតារាចម្រៀងប្រចាំក្នុងផលិតកម្ម រស្មីហង្សមាស ត្រូវបានប្រភពទម្លាយថា បានរៀបចំនឹងជ្រើសរើសទីតាំងរួចហើយ ពោលគឺនឹងត្រូវប្រារព្ធ ពិធីទទួលភ្ញៀវកិត្តិយស នៅក្នុងសណ្ឋាគារលំដាប់ផ្កាយ៥ សូហ្វីតែលភោគីត្រា ភ្នំពេញ ខណៈដែលមុខម្ហូបមានតម្លៃប្រមាណ ជិត៥០០ដុល្លារឯនោះ ក្នុងមួយតុ។ ពិធីមង្គលការរបស់ ស្រីស្រស់ សុគន្ធ និសា នឹងចំណាយអស់ខ្ទង់រាប់ម៉ឺនដុល្លារ ដើម្បីឲ្យសក្តិសមទៅនឹង កេរ្តិ៍ឈ្មោះជាតារាចម្រៀងល្បី ប្រចាំប្រទេសកម្ពុជា។



ក្រោយពីទទួលស្គាល់ថា នឹងចូលរោងការក្នុងពេលដ៏ខ្លីខាងមុខ តារាចម្រៀងសំនៀងស្រទន់ សុគន្ធ និសា នឹងជាគូបង្វឹករបស់កម្មវិធីប្រឡងចម្រៀងកុមារ លំដាប់ពិភពលោក «The Voice Kid Cambodia» ហើយមហាជនជាច្រើន ហាក់ភ្ញាក់ផ្អើលខ្លាំង ព្រោះជាលើកដំបូង ដែលនាងហ៊ាននិយាយជាសាធារណៈ លើកកញ្ចក់ទូរទស្សន៍ ក្នុងកម្មវិធីព័ត៌មានពេលព្រឹក របស់លោក មាស រិទ្ធី ថា នាងនឹងចូលរោងការតាមប្រពៃណី នៅខែធ្នូ ចុងឆ្នាំ២០១៧នេះ។

សុគន្ធ និសា បាននិយាយថា «អាពាហ៍ពិពាហ៍របស់នាង នឹងរៀបចំបែបសាមញ្ញៗប៉ុណ្ណោះ មិនធំដុំពេកទេ»។ តែមហាជនពិតជាចង់ដឹងថា តើកម្មវិធីរៀបការតារាចម្រៀងល្បីជាច្រើនឆ្នាំ នឹងរៀបចំបែបណាទៅ? ខណៈដែលព័ត៌មានកន្លងមក សុទ្ធតែចុះផ្សាយថា គូស្នេហ៍ជាអ្នកមានមុខមានមាត់ និងអភិជនជាដើម។



ផ្ទុយពីសម្ដីរបស់ សុគន្ធ និសា ប្រភពពីបុគ្គលិកសណ្ឋាគារលំដាប់ផ្កាយ៥បាននិយាយថា កញ្ញា សុគន្ធ និសា នឹងរៀបចំកម្មវិធីមង្គលការរបស់ខ្លួន នៅសណ្ឋាគារ សូហ្វីតែលភូគីត្រាភ្នំពេញ ដែលជាសណ្ឋាគារលំដាប់ពិភពលោក នឹងមានសាខាជាង១០០ លើពិភពលោក។ ចំណែកឯមុខម្ហូបលើតុវិញ ក្នុងមួយតុជិត៥០០ដុល្លារឯណោះ។ តែចំនួនភ្ញៀវវិញ ក្រោមមួយរយតុប៉ុណ្ណោះ ព្រោះសណ្ឋាគារ មិនអាចដាក់លើសពីនេះបាន។

តារាចម្រៀង សុគន្ធ និសា ហាក់ជួបរឿងស៊យបន្តិច ក្នុងការកាន់តំណែងជាគ្រូបង្វឹកលើកដំបូង ប៉ុន្តែនាងហាក់មិនបានចុះចាញ់ នឹងពាក្យវាយប្រហានោះទេ ហើយហាក់កាន់តែក្លាហាន ជាងមុនទៀតផង ព្រោះនាងជាតារាស្រី ដែលមានរិត ស្រគត់ស្រគំបំផុត។ ងាកមកកម្មវិធីមង្គលវិញ នាងប្រហែលជាមិនអញ្ជើញអ្នកសិល្បច្រើន ដូចមង្គលការ អ្នកសិល្បៈដទៃទៀតកន្លងមកទេ ពោលគឺនាង អញ្ជើញតែអ្នកសិ្នទ្ធស្នាល និងភ្ញៀវធំៗ ដែលនាងរាប់អានប៉ុណ្ណោះ។



ជាការពិត សុគន្ធ និសា ជាតារាចម្រៀងល្បីមិនចេះប្រកាន់ខ្លួនច្រើនទេ ជារឿយៗគេសង្កេតឃើញ ចូលរួមកម្មវិធីអ្នកសិល្បៈជាច្រើន មិនប្រកាន់ខ្លួនជាតារាចម្រៀងល្បី ពោលគឺឲ្យតែមានការ អញ្ជើញចំពេលនាងទំនេរ នាងនឹងចូលរួមរហូត ព្រោះនាងចូលចិត្តរាប់ញាតិ។


ដោយសារតែនាងជាតារាចម្រៀងល្បី ជាស្រីស្អាត ក្នុងអាជីពសិល្បៈ ដូចនេះទើបមហាជនចង់ដឹងថា គូស្នេហ៍ពិតប្រាកដនាងជានរណា ព្រោះអ្វីៗគ្រប់យ៉ាង ត្រូវធ្វើយ៉ាងអាថ៌កំបាំង៕


Source : Khmerload

នាទី ហោរាសាស្ត្រ​សម្រាប់ខែឆ្នាំទាំង ១២ ​ថ្ងៃទី ២៦ ខែតុលា ឆ្នាំ​២០១៧

ឆ្នាំជូត ៖ រាសី​ស្រុតចុះ​។ ថ្ងៃនេះ​ការងារ​អ្នក​ឆ្នាំជូត​មិនបាន​ដូច​បំណង ប៉ុន្តែ​ត្រូវ​រក្សា​ស្មារតី​ធ្វើការ​កុំ​នឿយណាយ​។ ប្រសិន​មាន​អ្នក​ខ្ចីប្រាក់​ត្រូវធ្វើ​លិខិតស្នាម​ត្រឹមត្រូវ ដើម្បី​បង្ការ​ថ្ងៃក្រោយ​កើតមាន​រឿង​រំខាន​ចិត្ត​។ មនោសញ្ចេតនា​និស្ស័យ​ពុំទាន់​ដល់​មិនអាច​អន្ទះសា ជីវភាព​ម្នាក់ឯង​ក៏​ជា​បទពិសោធន៍​គួរ​ឲ្យ​ពេញចិត្ត​មួយ​ដែរ​។ សុខភាព ល្អប្រសើរ​។ ទិស​នាំ​លាភ គឺ​ទិសអាគ្នេយ៍ តំណម​ទិស​ខាង​ឦសាន ។ ពណ៌​ល្អ ស​។ អ្នក​ជួយ​យកអាសា ឆ្នាំឆ្លូវ​៕



​ឆ្នាំឆ្លូវ ៖ រាសី​ស្រុតចុះ ។ ការងារ​ថ្ងៃនេះ​នឹង​ជួប​ការលំបាក​អំពី​លុយកាក់ ត្រូវ​ប្រយ័ត្នប្រយែង​ក្នុងការ​សម្រេចចិត្ត​។ ចាយវាយ​ត្រូវ​ឲ្យ​សម​ហេតុផល កុំ​ចំណាយ​ហួស​លទ្ធភាព​ហិរញ្ញវត្ថុ​របស់ខ្លួន​។ មនោសញ្ចេតនា​ពិបាក​ទទួលបាន​លទ្ធផល​ដូច​ការទន្ទឹងរង់ចាំ​។ សុខភាព មាន​បញ្ហា​បន្តិចបន្តួច​។ ទិស​នាំ​លាភ គឺ​ទិស​ខាង​អាគ្នេយ៍ ប្រយ័ត្ន​ទិសឦសាន​។ ពណ៌​ល្អ​ពណ៌​ខៀវ​។ អ្នក​ជួយ​យកអាសា ឆ្នាំជូត​៕

​ឆ្នាំខាល ៖​រាសី​ល្អ​មធ្យម ។ ការងារ​រវល់​ធ្វើ​ឲ្យ​អ្នក​ស្ថិតក្នុង​ស្ថានភាព​តានតឹង អស់កម្លាំង​ជាប្រចាំ ត្រូវ​នឹងនរ​ដោះស្រាយ​ការងារ​នីមួយៗ កុំ​ឆេវឆាវ គឺ​កាន់តែ​ធ្វើ​ឲ្យ​គ្រប់យ៉ាង​ប្រែជា​ស្មុគស្មាញ​ជាង​។ ថ្ងៃនេះ​កុំ​ចាយវាយ​ជ្រុលដៃ ប្រយ័ត្ន​គ្មាន​សល់​១​សេន​ក្នុង​ហោប៉ៅ​។ មនោសញ្ចេតនា​រីកចម្រើន​ល្អប្រសើរ​។ សុខភាព ទទួលទាន​អាហារ​ឲ្យ​ត្រឹមត្រូវ​កុំ​ឲ្យ​មាន​បញ្ហា​ក្រពះ​។ ទិស​នាំ​លាភ គឺ​ទិស​ខាងត្បូង ប្រយ័ត្ន​ទិស​លិច​។ ពណ៌​ល្អ​គឺ​ពណ៌​ក្រហម​។ អ្នក​ជួយ​យកអាសា ឆ្នាំមមី​៕

​ឆ្នាំថោះ ៖ រាសី​ឡើង​ខ្ពស់ត្រដែត​។ ថ្ងៃនេះ​ជា​ថ្ងៃ​សំណាង​ចំពោះ​អ្នក​ឆ្នាំថោះ ពេល​គ្រប់​ផែនការ​ការងារ​សុទ្ធតែ​ប្រព្រឹត្ត​ទៅដោយ​ងាយស្រួល ទំនាក់ទំនង​រលូន​ល្អ ជួប​ការលំបាក​តែងមាន​អ្នក​ជួយ​ទំនុកបំរុង​។ ផែនការ​ហិរញ្ញវត្ថុ​ជោគជ័យ អាច​ដំណើរ​ការចរចា​កិច្ចសន្យា​។ មនោសញ្ចេតនា​ការយកចិត្តទុកដាក់​ថែទាំ​របស់​ដៃគូ គឺជា​កម្លាំងចលករ​ដ៏​ធំធេង​សម្រាប់​អ្នក​។ សុខភាព ប្រយ័ត្ន​ជំងឺ​ផ្លូវ​រំលាយ​អាហារ​។ ទិស​នាំ​លាភ គឺ​ទិស​ខាងត្បូង តំណម​ទិស​ខាងជើង ។ ពណ៌​ល្អ គឺ​ពណ៌​ខ្មៅ​។ អ្នក​ជួយ​យកអាសា ឆ្នាំជូត​៕

​ឆ្នាំរោង ៖ រាសី​ឡើង​ស្រុតចុះ​។ ការងារ​រង​ឥទ្ធិពល​ដោយ​ពាក្យ​ចរ​ចាម​អា​រ៉ា​ម​ធ្វើ​ឲ្យ​ផ្លូវចិត្ត​របស់​អ្នក​មិនល្អ​ប៉ះពាល់​ដល់​ការងារ ពិសេស​ងាយ​បំពាន​ផ្លូវចិត្ត​របស់​អ្នក​មិនល្អ​ប៉ះពាល់​ដល់​ការងារ ពិសេស​ងាយ​បំពាន​កំហុសឆ្គង​។ ថ្ងៃនេះ​ត្រូវ​ចៀស​ឲ្យ​ឆ្ងាយ​ពី​ល្បែងស៊ីសង ព្រោះ​ត្រូវ​ជាប់ទោស​។ មនោសញ្ចេតនា ងាយ​ប្រេះឆា ត្រូវ​ចេះ​ថ្នាក់ថ្នម​គោរព​គ្នា​ទៅវិញទៅមក​។ សុខភាព​មិនបាន​ល្អ មាន​អា​ការៈឈឺ​ក្បាល​ជាប់​។ ទិស​នាំ​លាភ គឺ​ទិស​ខាងត្បូង តំណម​ទិសខាងកើត​។ ពណ៌​នាំ​សំណាង​គឺ​ខ្មៅ​។ អ្នក​ជួយ​យកអាសា ឆ្នាំជូត​៕

​ឆ្នាំម្សាញ់ ៖ រាសី​ឡើង​ខ្ពស់ត្រដែត​។ ការងារ​គ្រប់យ៉ាង​ដំណើរការ​ឥត​ទើស​ទាក់ ត្រូវបាន​ថ្នាក់លើ​ទុកចិត្ត អ្នក​រួម​ការងារ​ស្រឡាញ់ មានឱកាស​ឈានឡើង​។ លទ្ធភាព​ក្តាប់​ឱកាស​វិនិយោគ​ល្អ មាន​បន្ថែម​ខ្ទង់​ចំណូល​។ មនោសញ្ចេតនា​ត្រូវ​ម្ចាស់​ការបង្ហាញ​ទឹកចិត្ត​ចំពោះ​ដៃគូ​ទើប​ទំនាក់ទំនង​រីកចម្រើន​ទៅមុខ​។ សុខភាព ល្អប្រសើរ​។ ទិស​នាំ​លាភ គឺ​ទិសខាងកើត តំណម​ទិស​ខាងជើង ។ ពណ៌​នាំ​សំណាង ពណ៌​ផ្ទៃមេឃ ។ អ្នក​ជួយ​យកអាសា​ឆ្នាំថោះ​៕

​ឆ្នាំមមី ៖ រាសី​ល្អ​ឡើង​ខ្ពស់ត្រដែត​។ ការងារ​ថ្ងៃនេះ​មានឱកាស​ប្រាស្រ័យ​ផ្ទាល់​ជាមួយ​ប្រភព​ទុន​ល្អ ផ្តល់​ប្រសិទ្ធភាព​សេដ្ឋកិច្ច​ខ្ពស់ អ្នករៀន​សូត្រ​នឹង​បានសម្រេច​លទ្ធផល​គាប់ចិត្ត​។ ចំណូល​ហូរ​ចូល​មិន​ដាច់​។ មនោសញ្ចេតនា​រីកចម្រើន​ល្អ គ្មាន​ផល​រមាស់​បន្តិច​ណា​ឡើយ​។ សុខ​ភាពល្អ​ធម្មតា​។ ទិស​នាំ​លាភ គឺ​ទិសខាងកើត តំណម​ទិស​ខាងជើង​។ ពណ៌​នាំ​សំណាង គឺ​ពណ៌​ផ្ទៃមេឃ​។ អ្នក​យកអាសា​ឆ្នាំខាល​៕

​ឆ្នាំមមែ ៖ រាសី​ល្អ​មធ្យម​។ គោលដៅ​ការងារ​បច្ចុប្បន្ន​លំបាក​អាច​សម្រេចបាន​ដូច្នេះ​កុំ​ប្រឹងប្រែង​ពេក បណ្តោះអាសន្ន​ចាត់ទុកថា នេះ​ជា​ពេល​សម្រាក បំពេញ​ថាមពល ដើម្បី​រង់ចាំ​ឱកាស​ថ្មី​។ មិនត្រូវ​ចូលរួម​ក្នុង​កម្មវិធី​វិនិយោគ​ប្រថុយប្រថាន​។ មនោសញ្ចេតនា​អ្នកមាន​គ្រួសារ ឬ​មាន​គូស្នេហ៍​ត្រូវ​ប្រយ័ត្នប្រយែង​ក្នុង​ទំនាក់ទំនង​ជាមួយ​មនុ​ស្ស​ខុស​ភេទ ដើម្បី​បញ្ចៀស​ការ​ប្រចែប្រច័ណ្ឌ​។ សុខភាព ត្រូវ​លៃ​ពេល​ដើរ​កម្សាន្ត​បំបាត់​ភាព​តានតឹង​អារម្មណ៍​។ ទិស​នាំ​លាភ គឺ​ទិស​ត្បូង តំណម​ទិសពាយ័ព្យ ។ ពណ៌​នាំ​សំណាង​គឺ​ពណ៌​ផ្ទៃមេឃ​។ អ្នក​ជួយ​យកអាសា​គឺ​ឆ្នាំថោះ​៕

​ឆ្នាំវក ៖ រាសី​ឡើង​ខ្ពស់ត្រដែត​។ ទោះបី​ការងារ​បច្ចុប្បន្ន​របស់​អ្នក​ពុំទាន់​បាន​ដូច​ចិត្ត​តែមាន​ទិស​រីកចម្រើន​ល្អ ប្រឹងប្រែង​ប្រមូលផ្តុំ​កម្លាំងកាយ​ចិត្ត​នឹងមាន​ថ្ងៃ​ទទួលផល​តាម​បំណង​។ ថ្ងៃនេះ​ត្រូវ​រៀបចំ​ផែនការ​ចំណាយ​ឲ្យ​សមស្រប​ជាមួយនឹង​ប្រាក់ចំណូល​របស់ខ្លួន​។ មនោសញ្ចេតនា​ទាំង​២​នាក់​ត្រូវ​រួមគ្នា​កសាង​គោលដៅ​រួម​ក្នុង​អនាគត ដើម្បី​ទំនាក់ទំនង​កាន់តែ​ផ្សាភ្ជាប់​ថែម​។ សុខភាព​ពុំមាន​បញ្ហា​ធំដុំ​គ្រាន់តែ​ឈឺក្បាល​តិចតួច​។ ពណ៌​នាំ​សំណាង គឺ​ពណ៌​ខៀវ​។ ទិស​នាំ​លាភ ទិស​ខាងជើង តំណម​ទិសអាគ្នេយ៍​។ អ្នក​ជួយ​យកអាសា គឺ​ឆ្នាំជូត​៕

​ឆ្នាំរកា ៖ រាសី​ស្រុតចុះ ។ មានឱកាស​សហការ​កា​រងារ​ជាមួយ​ដៃគូ​ស្ត្រី​សម្បូរ​សក្តានុពល កុំ​បោះបង់​ឱកាស​។ ចង់​វិនិយោគ​ចាំបាច់​ត្រូវមាន​ចំណេះដឹង កុំ​វិនិយោគ​តាម​អារម្មណ៍​អាច​ថ្ងៃ​ណាមួយ​អស់រលីង​ពី​ខ្លួន ស្តាយក្រោយ​មិនទាន់​។ មនោសញ្ចេតនា​ពុំទាន់​មាន​អ្វី​គួរ​ឲ្យ​សង្ឃឹម ហេតុនេះ​ធ្វើ​ឲ្យ​អ្នក​នឿយណាយ​។ សុខភាព​ពុំសូវល្អ​ប្រសើរ ត្រូវ​គេង​ឲ្យ​គ្រប់គ្រាន់​។ ទិស​នាំ​លាភ គឺ​ទិសឦសាន តំណម​ទិសខាងកើត​។ ពណ៌​នាំ​សំណាង គឺ​ពណ៌​ខៀវ​។ អ្នក​ជួយ​យកអាសា គឺ​ឆ្នាំជូត​៕

​ឆ្នាំចរ ៖ រាសី​ឡើង​ខ្ពស់ត្រដែត ។ ការងារ​រីកចម្រើន​ខ្លាំង មានឱកាស​ទទួលបាន​ចំណូល​ច្រើន ប៉ុន្តែ​មិនត្រូវ​លោភលន់​។ មនោសញ្ចេតនា​រវល់​តែ​ស្វែងរក ជួនកាល​គូព្រេង​គឺ​នៅ​ជិត​ខ្លួន​បង្កើយ តែ​អ្នក​បែរជា​មិន​ចាប់អារម្មណ៍​។ សុខភាព​ល្អប្រសើរ​។ ទិស​នាំ​លាភ គឺ​ទិស​ខាងលិច តំណម​ទិសខាងកើត​។ ពណ៌​ល្អ គឺ​ពណ៌​ផ្ទៃមេឃ​។ អ្នក​ជួយ​យកអាសា ឆ្នាំខាល ៕

​ឆ្នាំកុរ ៖ រាសី​ឡើង​ខ្ពស់ត្រដែត​។ មនុស្ស​ឆ្នាំកុរ​ត្រូវបាន​ថ្នាក់លើ​ជឿទុកចិត្ត​ផ្តល់​ការងារ​ល្អ អ្នក​រួម​ការងារ​ស្រឡាញ់​រាប់អាន​គ្រប់គ្នា​។ ថ្ងៃនេះ​អ្នកលក់ដូរ ជំនួញ នឹងមាន​ឱកាស​ចំណេញ​ច្រើន​។ មនោសញ្ចេតនា​គ្រួសារ​ចុះសម្រុង​ល្អ កក់ក្តៅ​។ សុខភាព ល្អប្រសើរ តែ​ត្រូវ​ខំ​ហាត់ប្រាណ​ឲ្យ​បាន​ទៀងទាត់​។ ទិស​នាំ​លាភ​គឺ​ទិសពាយ័ព្យ តំណម​ទិសឦសាន​។ ពណ៌​ល្អ ពណ៌​ផ្ទៃមេឃ​។ អ្នក​ជួយ​យកអាសា គឺ​ឆ្នាំថោះ​៕

ជួយអបអរសាទរ ពេលនេះ Miss Grand Cambodia ទទួលបានពានរង្វាន់....

វៀតណាម៖ 
ថ្ងៃនេះជាការប្រកួតវគ្គផ្ដាច់ព្រ័ត្រ ក្នុងកម្មវិធី Miss Grand International 2017 ដែលបានប្រារព្ធឡើងនៅប្រទេសវៀតណាម។



ជាក់ស្ដែង កញ្ញា ខ្លឹម ស្រីគា ដែលជាបេក្ខភាពតំណាងប្រទេសកម្ពុជា យើងក៏មានកិត្តិយសបន្តវត្តមានប្រកួតក្នុងវគ្គចុងក្រោយមួយនេះដែរ។



កាន់តែអស្ចារ្យនេះទៅទៀត Miss Grand Cambodia យើងក៏ទទួលបានពានរង្វាន់ ប្រជាប្រិយភាព នៅក្នុងបណ្ដាញសង្គមទៀតផង នេះបើតាមការបញ្ជាក់ពីផេក MISS Cambodia Beauty Pageant។



 ហើយនេះក៏ជាលទ្ធផលយ៉ាងពិសេសមួយ ចំពោះកញ្ញា ខ្លឹម ស្រីគា ក្រោមការចូលរួម ពី អ្នកទាំងអស់គ្នា ដែលបានគាំទ្រ Miss Grand កម្ពុជា កន្លងមក។



យ៉ាងមិញ ទោះបីជាលទ្ធផលចុងក្រោយយ៉ាងណាក្ដី ក៏យើងសង្ឃឹមថា ប្រិយមិត្តនៅតែបន្តការគាំទ្រចំពោះ កញ្ញា ខ្លឹម ស្រីគា ជាបន្ត ព្រោះកញ្ញាឯករូបនេះពិតជាបានប្រឹងប្រែងបញ្ចេញអស់សមត្ថភាព ក្នុងការប្រកួតពិតមែន៕

Source : Khmerload